नेपाल र यूएईबीचको खेल १५ मिनेट पछि धकेलियो

काठमाडौं। आईसीसी लिग- २ अन्तर्गत नेपाल र यूएईबीचको खेल १५ मिनेट पछि धकेलिएको छ।

आईसीसी विश्वकप लिग–२ अन्तर्गत नेपाल र युएईबीचको खेल १५ मिनेट पछि धकेलिएको छ। कीर्तिपुरस्थित त्रिवि क्रिकेट मैदानको आउटफिल्डको कारण टस १५ मिनेट पछि हुने भएको छ।

पहिलो खेलमा युएईलाई ३७ रनले हराएको घरेलु टोली नेपाल लगातार दोस्रो जित हात पार्न चाहान्छ। लिग–२ को शीर्ष ६ मा रहेर एक दिवसीय वरियता जोगाउनका लागि नेपाललाई जितको आवश्यक छ।

सिरिजको आफ्नो दोस्रो खेलमा बुधबार वर्षाले प्रभावित भएको खेलमा नेपाल ओमानसँग डीएलएस मेथडमा १ सय २ रनले पराजित भएको हो।

नेपाल आजको खेलमा युएईलाई हराउँदै घरेलु मैदानमा जारी सिरिजमा ४ अंक बटुल्न चाहान्छ। तर पहिलो खेलमा नेपालसँग पराजित भएको युएई दोस्रो खेलमा भने घरेलु टोलीलाई स्तब्ध पार्ने योजनामा हुनेछ।