झाडीमा लुकाइएको अवस्थामा ६ नाल भरुवा बन्दुक फेला

दाङ । दाङमा सामुदायिक वनको झाडीमा लुकाएर राखेको अवस्थामा ६ नाल भरुवा बन्दुक फेला परेको छ।

जिल्लाको घोराही उपमहानगरपालिका-१ स्थित माले सल्लीकोटस्थित उक्त ६ नाल भरुवा बन्दुक फेला परेका हुन् ।

प्रहरीका अनुसार बरामद गरिएका सबै बन्दुक लोड अवस्थामा रहेका थिए।

घटनास्थलबाट करिब ४०० ग्राम बारुद, ३३ वटा केप, १३ वटा फलामका गोली तथा २ बट्टा सलाई समेत बरामद गरिएको छ।

बरामद सामग्री कसले र किन लुकाएर राखेको हो भन्ने विषयमा प्रहरीले थप अनुसन्धान गरिरहेको जनाएको छ।