भेनेजुएला भूकम्प अपडेट: मृत्यु हुनेको संख्या १६४ पुग्यो, ९७१ घाइते
एजेन्सी । भेनेजुएलामा भूकम्पमा परि मृत्यु हुनेको संख्या १६४ पुगेको छ।
कार्यवाहक राष्ट्रपति डेल्सी रड्रिगेजका अनुसार भूकम्पमा परी ९ सय ७१ जना घाइते भएका छन्।
भूकम्प स्थानीय समयअनुसार साँझ ६ः०४ बजे नेपाली समय अनुसार (विहीबार बिहान ३ः४९ बजे) आएको थियो ।
४० सेकेण्डको अन्तरालमा ७.२ र ७.५ रेक्टर स्केलको भूकम्प गएको थियो।
यसलाई शताब्दीयताकै ठूलो भूकम्प मानिएको छ। भूकम्पपछि अग्ला भवनहरु भत्किएका थिए। यसको धक्का छिमेकी देश कोलम्बियाको बोगोटासम्म महसुस गरिएको थियो ।
दर्जनौँ भवनहरु भत्किएको कार्यवाहक राष्ट्रपति रड्रिगेजलाई उद्धृत गर्दै एपीले जनाएको छ।
राजधानी क्षेत्रमा उद्धारकर्मीहरू भग्नावशेषभित्र जीवित बाँचेकाहरूको खोजी गरिरहेका बीबीसीले जनाएको छ ।
राजधानी कराकासका धेरै भवनमा विद्युत् आपूर्ति अवरुद्ध भएको छ भने मेट्रो सेवा पूर्ण रूपमा बन्द गरिएको छ ।
अमेरिकी भूगर्भ सर्वेक्षणले भूकम्पका कारण १० हजारभन्दा बढी मानिसको मृत्यु हुने सम्भावना ४४ प्रतिशत र १ लाखभन्दा बढी मृत्यु हुने सम्भावना ३० प्रतिशत रहेको आकलन गरेको छ ।
प्रकाशित मिति: ११ असार २०८३, बिहिबार
