एमालेबाट पनि नगरप्रमुखमा महिला निर्वाचित
नवलपरासी, जेठ ५
नवलपरासीको कावासोती नगरपालिकाको मेयरमा नेकपा एमालेकी चन्द्रा पुन विजयी भएकी छन् ।
आफ्नो प्रतिद्वन्द्वी काँग्रेसका महेन्द्र पोखरेललाई ४४७ मतले पछि पार्दै उनी मेयरमा विजयी भएकी हुन् । उनले १३ हजार ४१ मत आफ्ना निकटतम् प्रतिद्वन्द्वी पोखरेलले १२ हजार ४९५ मत ल्याएका थिए ।
त्यसैगरी उपमेयरमा पनि एमालेकै उम्मेदवार प्रेमशंकर थारु विजयी भएका छन् । उनले आफ्ना प्रतिद्वन्द्वी कांग्रेसका खगिसरा गुरुङलाई झण्डै २१ सय मतले पराजित गरे । थारुले १३ हजार ४९५ मत ल्याएका थिए ।
प्रकाशित मिति: ५ जेष्ठ २०७४, शुक्रबार
