सिरहामा कटुवा पेस्तोल र दुई राउन्ड गोलीसहित भारतीय नागरिक पक्राउ
सिरहा । सिरहामा प्रहरीले एक थान कटुवा पेस्तोल र दुई राउन्ड गोलीसहित एक भारतीय नागरिकलाई पक्राउ गरेको छ ।
पक्राउ पर्नेमा भारतका अन्दाजी २६ वर्षीय रोशन कुमार यादव रहेका छन् । उनलाई सिरहा नगरपालिका–७ क्षेत्रमा नियमित चेकजाँचका क्रममा नियन्त्रणमा लिइएको सिरहा प्रहरीले जनाएको छ ।
प्रहरीका अनुसार भारतीय नम्बर प्लेट BR07AZ4215 रहेको मोटरसाइकलमा लुकाइछिपाइ राखिएको अवस्थामा एक थान कटुवा पेस्तोल र दुई राउन्ड गोली बरामद गरिएको हो ।
यादवमाथि हतियार तथा खरखजाना सम्बन्धी कसुर अन्तर्गत थप अनुसन्धान भइरहेको छ ।
प्रकाशित मिति: ३२ असार २०८३, बिहिबार
