काठमाडौं, जेठ १८
विश्व फुटबल महासंघ फिफाको बरियातामा नेपालले आफ्नो स्थानमा सुधार गरेको छ । यसपटक ४ स्थान सुधार गर्दै नेपाल फिफा बरियतामा १६९ औं स्थान माथि उक्लिएको छ ।

फिफाले बिहीबार सार्वजनिक गरेको नयाँ बरियाता अनुसार नेपाल यसअघिको आफ्नो वरियतामा चार स्थान सुधार गरेको हो । नेपाल दक्षिण एशियामा भारत, माल्दिभ्स, अफगानिस्ता र भुटानपछि चौथो स्थानमा छ ।

दक्षिण एशियामा भारत १००औं स्थानमा यथावत रहँदा चार स्थान तल खस्केको माल्दिभ्स १५६औं र समान चार स्थान तल झरेको अफगानिस्तान १५८औं स्थानमा छ । यस्तै २ स्थान तल झरेको भुटान पनि नेपालभन्दा तीन स्थान माथि १६६औं स्थानमा छ ।

बरियातामा नेपालभन्दा पछाडि रहेका दक्षिण एशियाली मुलुकहरुमा बंगलादेश १९२, श्रीलंका १९६ र पाकिस्तान २००औं स्थानमा छन् ।
बरियताको पहिलो स्थानमा ब्राजिल यथावत छ ।

प्रकाशित मिति: १८ जेष्ठ २०७४, बिहिबार