बिराटनगर, असार ४
नेकपा माओवादी केन्द्र र संघीय समाजवादी फोरमबीच बिराटनगर महानगरपालिकामा चुनावी तालमेल गर्ने सहमती भएको छ ।

एमाले र लोकतान्त्रिक फोरमले चुनावी तालमेल गर्ने सहमती गरेलगत्तै माओबादी केन्द्र र संघीय समाजबादीले पनि चुनावी तालमेल गर्ने सहमती गरेका छन् ।

सहमतीअनुसार महानगरको मेयर संघीय समाजबादीको तर्फबाट हुनेछ भने उपमेयर माओबादी केन्द्रको तर्फबाट हुनेछ । संघीय समाजबादीले मेयरमा उमेश यादव र माओबादी केन्द्रले उपमेयरमा नमिता न्यौपानेलाई अघि सारेको छ ।

दुई पार्टीबीच जिल्लाका अन्य तहमा पनि तालमेल गरेर जाने सहमती भएको छ । मोरडमा १ महानगरपालिकासहित १७ स्थानीय तह छ ।
बिराटनगरमा हिजो मात्रै नेकपा एमाले र लोकतान्त्रिक फोरमबीच चुनावी तालमेल गर्ने सहमती भएको थियो ।

प्रकाशित मिति: ४ असार २०७४, आइतबार