पर्वतमा १० हजार मत अन्तरले बाम गठबन्धनले चुनाव जित्छ : उम्मेदवार गिरी



काठमाडौं । बाम गठबन्धनको तर्फबाट पर्वतबाट प्रतिनिधिसभा उम्मेदवार युवा नेता पदम गिरीले काठमाडौंमा पनि अाफ्नो चुनावी अभियान सुरु गरेका छन् ।

नेकपा एमाले पर्वत जिल्ला कमिटी  अध्यक्षसमेत रहेका गिरीले आइतबार काठमाडौंमा बसोबास गर्ने पर्वतबासी, बुद्धिजिवी, बाम शुभचिन्तक लगायतसँग काठमाडौं चुनाव बारे छलफल तथा अन्तर्क्रिया गरेका हुन् ।

अन्तर्क्रियामा नेता गिरीले पर्वतमा एमालेले १० हजार मतअन्तरले विपक्षीलाई पराजित गर्ने बताए। गिरीले आफ्नो उमेदवारी कुरा मात्र नभई पर्वतको विकासका लागि भएको बताए ।

यसअघि दुई क्षेत्र रहेको पर्वतमा अहिले १ वटा मात्रै क्षेत्र कायम छ । क्षेत्र नं १ बाट तीनपटक निर्वाचित भएका कांग्रेस उमेदवार अर्जुनप्रसाद जोशीले जिल्लाका लागि सिन्को भाँच्न नसकेको भन्दै गिरीले जित आफ्नो भएको दाबी गरे ।

चुनावपछि स्थानीय तह, प्रदेश र केन्द्रसम्मै बामपन्थी सरकार बन्ने र जनताकै सुझाव तथा चाहनाअनुसार काम गर्ने बताए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News