राष्ट्रियसभा निर्वाचनको आचारसंहिता लागू, क–कसलाई लाग्छ आचारसंहिता ?




काठमाडौं, माघ १२
यही माघ २४ गते हुने राष्ट्रियसभा निर्वाचनको लागि आजदेखि आचारसंहिता लागु भएको छ ।

सरकारदेखि सरकारका मन्त्री, प्रदेशदेखि र स्थानीय तह, सुरक्षा निकाय, पर्यवेक्षक कर्मचारी,संचारमाध्यम, राजनीतिक दल, तिनका भातृ संगठन, उम्मेदवार एवं सार्वजनिक पद धारण गरेका लगायत सबैलाई आचारसंहिता लागू हुने आयोगका प्रवक्ता नवराज ढकालले बताए ।

निर्बाचन आचारसंहिता लागु भएका कारण आचारसंहिता उल्लंघनका क्रियाकलाप नगर्न आयोगले निर्देशन समेत दिएको छ ।

राष्ट्रियसभाका लागि हरेक प्रदेशबाट ८–८ जनाको दरले ५६ जना निर्वाचनबाट चुनिने र तीन जना सरकारको सिफारिसरमा राष्ट्रपतिले मनोनित गर्ने संवैधानिक व्यवस्था छ ।

राष्ट्रियसभाका लागि ५९ सदस्यीय समिति बन्नेछ । १७ जना यसअघि नै निर्विरोध भइसकेका छन् ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News