उर्लाबारी क्याम्पसको आफ्नै बस



मोरङ, असार ३२

पूर्वी मोरङकै पूरानो क्याम्पस उर्लाबारी बहुमुखी क्याम्पसले आफ्नै बस ल्याएको छ । सम्पूर्ण भन्सार छुटमा क्याम्स प्रमुख भीमप्रसाद लामिछानेको अगुवाईमा बस ल्याइएको हो ।

२३ लाख ५१ हजार रुपैयाँमा ५१ सिटको बस ल्याइएको प्रमुख लामिछानेले जानकारी दिनुभयो । क्याम्पसले आफ्नै बस ल्याएपछि विद्यार्थीहरुलाई सहज भएको छ । विगतमा ३ वटा निजी बसको प्रयोग गरी विद्यार्थीहरु ओसार्दै आएको क्याम्पसले आफ्नै बस ल्याएपछि भाडाको दुई वटा बस हटाएको छ ।

एउटा भाडाको बसले मिक्लाजुङ आसपास क्षेत्रका विद्यार्थीहरु बोक्ने गरेको छ भने क्याम्पसको बसले उर्लाबारी हुँदै रतुवामाई नगरपालिकाका विद्यार्थीहरु ओसार्ने गरेको छ ।

२०४३ सालमा स्थापना भएको उक्त क्याम्पसमा उर्लाबारी, मिक्लाजुङ, रतुवामाई, पथरीशनिश्चरे, पाँचथर, धनकुटा, इलाम, ताप्लेजुङलगायतका करिब १ हजार १ सय विद्यार्थीहरु अध्ययरत रहेका छन् । कक्षा ११ देखि स्नाकोत्तरतहसम्म उक्त क्याम्पसमा पढाई हुने गरेको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News