उर्लाबारीमा रक्तसञ्चार केन्द्र स्थापना



मोरङ, साउन ३

मोरङको उर्लाबारी नगरपालिकामा रक्तसञ्चार केन्द्र स्थापना भएको छ । नेपाल रेडक्रस सोसाइटी उर्लाबारी उपशाखाले रक्तसञ्चार केन्द्र सञ्चालनमा ल्याएको हो ।

रगतको अभावमा थुप्रै बिरामीले अकालमा ज्यान गुमाउनुपर्ने अवस्थालाई मध्यनजर गर्दै रक्तसञ्चार सेवा केन्द्र स्थापना गरेको उपशाखा सभापति मदनबाबु प्रसाईले बताउनुभयो । अहिलेसम्म रक्तसञ्चार केन्द्रको अभावमा पूर्वी मोरङका बासिन्दा सामान्य रोगको उपचार तथा शल्यक्रियाका लागि विराटनगर तथा धरान जानुपर्ने बाध्यता थियो ।

उर्लाबारी नगरपालिका, नेपाल रेडक्रस सोसाइटी मोरङ शाखा र बिभिन्न दाताहरुको आर्थिक सहयोगमा केन्द्र स्थापना गरिएको हो । उक्त केन्द्र स्थापना गर्न रु १५ लाख खर्च भएको सभापति प्रसाईले जानकारी दिनुभयो । नेपाल रेडक्रस सोसाईटी उर्लाबारी उपशाखा, रक्तसञ्चार केन्द्र भवनको नगरपालिका प्रमुख खड्ग फागोले तथा रक्तसञ्चार सेवाको नेपाल रेडक्रस सोसाइटीका केन्द्रीय अध्यक्ष सञ्जीव थापाले उद्घाटन गर्नुभएको थियो ।

नगर प्रमुख फागोले जुनसुकै बिरामीलाई जुनसुकै बेला पनि रगत अत्यावश्यक हुने भएकाले आम जनताको पहुँचसम्म पुग्नेगरी स्वास्थ्य सेवा विस्तार गर्नुपर्नेमा जोड दिनुभयो । सो अवसरमा आयोजना गरिएको रक्तदान कार्यक्रममा ३७ जनाले रगत दान गर्नुभएको थियो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News