गजल
चिन्तामणि पोख्रेल
पुरस्कार खोज्छौ भने दुई हातको ताली खोज ।
तातो तातो दुधमाथि लाग्ने बाक्लो छाली खोज ॥
ससुरालि रमाईलो बनाउने मनमा भए ।
जेठी माईली आफ्नो बनाउ कान्छी चाँहि साली रोज ॥
बेईजतिको मार खेप्न रहर लाग्छ भने ।
सबैसामु भिख माग्दै तिरस्कार गाली खोज ॥
मुहारमा फूल फुलाउने सपनामा भूल्छौ सधैँ ।
मलजल स्याहार गर्ने जीन्दगीमा माली खोज ॥
आँशुको त्यो ताल भित्र डुबिसक्यो जिन्दगानी ।
उतार्नलाई गहिराईमा भेल बग्ने नाली खोज ॥
प्रकाशित मिति: ८ आश्विन २०७२, शुक्रबार