‘नेपाल आइडल’को फाईनलमा सुमित, विक्रम, अस्मिता र रवी



काठमाण्डौँ, मंसिर २८

सिङगिङ रियालिटी शो ‘नेपाल आइडल’को ग्राण्ड फिनालेमा चार जना प्रतिस्पर्धीलाई लगिएको छ । प्रतिस्पर्धाका उत्कृष्ठ चार विक्रम बराल, सुमित पाठक, अस्मिता अधिकारी र रवी ओड फिनालेमा पुगेका हुन् ।

बिहीबारको प्रस्तुतीमा मुख्य निर्णायक न्युह् बज्राचार्यले चारै जना प्रतिस्पर्धीलाई फाइनलमा लैजाने बताएका हुन् । विक्रम र सुमित गोल्डेन माइक पाएका प्रतिस्पर्धी हुन् ।

फाइनल ललितपुरको पुल्चोक इन्जिनियरिङ कलेजको मैदानमा पुस ६ गते हुँदैछ । गत वर्षको ‘नेपाल आइडल’ सिजन वनको फाइनल कतारमा भएको थियो ।

‘नेपाल आइडल’ सिजन वनमा भने तीन जना बुद्ध लामा, निशान भट्टराई र प्रताप दास फिनालेमा पुगेका थिए । त्यसमध्ये बुद्ध लामा विजेता भएका थिए ।

यस पटकको विजेताले २० लाख नगद, एउटा होन्डा डब्लूआर–भी कार, एउटा गीति एल्बमको सम्झौता र वल्र्ड टुर अथवा ५० लाख नगद, एउटा एल्बमको सम्झौता र वल्र्ड टुर मध्ये एक रोज्न पाउने छन् ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News