स्याबास रबि !!



गणेश उप्रेती

पुरुष हामी येस्तै हो ,
जे पनि गर्न मिल्ने !
जता पनि जान पाउने ।
गाउंको साढे जस्तो ?
जस्को बाली खाए नी भो ।
जुन गोठ भत्काए नी भो ।

एउटीलाइ थर्काउ ,
अर्कीलाइ फकाउ ।
सगैकीलाइ झुक्याउ ,
बाहिरकीलाइ फुर्क्याउ ।

बहाना चै देउ एउटा ।
कुरो मिलेन !
मन मिलेन !
तन मिलेन !
धन मिलेन !
उ एउटी महिला हो ,
दिनै पिछ्छे थोत्री रहने ।
हामी एउटा पुरुष हौ ,
मिनेटै पिछ्छे मात चढने ।

हेल्लो रबि !
आउ एउटा पुरुष सम्मेलन गरौ !
हामी पुरुष !
एउटा स्टेन्ड दिएपछि ,
दुइ चार मनका बात गरे पछि
नाथे महिलाका के कुरा ,
यी फगत पुतली !
हामी गुलाब ।
यी झुम्मिने !
हामी उम्किने ।

ओ पुरुष आदर्श रबी !
हामी लाइ नी आसिस देउ !
महिला केबल भोग्या हुन !
बजारका बिक्री माल हुन !
मन परेकालाइ किन्ने ,
नपरेकालाइ छोडने ।
पुरुष राज कायम रहोस !
रबि भगवान जायज होस !!

 

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल इमेलः [email protected]
फोन : ०१-४१०७६६६
कार्यकारी सम्पादक :सुमन घिमिरे
           
facebook
© 2019 Deshko News