बालुवाटार जग्गा घोटालामा देउवा मुछिए कारबाही हुनुपर्छ : काँग्रेस नेता केसी

झापा, बैशाख १९

नेपाली काँग्रेसका नेता अर्जुननरसिंह केसीले बालुवाटार जग्गा घोटाला प्रकरणमा सभापति शेरबहादुर देउवानै मुछिए पनि कानुनी सजाय भोग्न तयार हुनुपर्ने बताउनुभएको छ ।

झापाको बिर्तामोडमा आज गरिएको पत्रकार सम्मेलनमा नेता केसीले बालुवाटार जग्गा घोटालामा नेता, कार्यकर्ता, कर्मचारी वा जोकोही मुछिए पनि पनि सबैलाई कारबाहीको दायरामा ल्याउन सरकारले आँट गर्नुपर्ने बताउनुभयो । नेता केसीले वर्तमान सरकार काण्डैकाण्डले बेरिएको भन्दै सबै सुरक्षा अंग आफ्नो मुठीमा राखेपनि हत्या, हिंसा, बलात्कारलगायतका आपराधिक घटनामा कुनै कमी आउन नसकेको टिप्पणी गर्नुभयो ।