चलचित्र लेखक तथा निर्देशक गुरुङको निधन
काठमाडौं, भदौ २४
चलचित्रका लेखक तथा निर्देशक छेतन गुरुङको निधन भएको छ । ४२ वर्षका गुरुङको बुधबार बिहान २ बजे राजधानीको महाराजगञ्ज स्थित मेट्रो अस्पतालमा उपचारको क्रममा गुरुङको निधन भएको हो ।
लिभर समस्याका बिरामी गुरुङ अचानक बिरामी भएपछि सोमबार अस्पताल भर्ना गरिएको थियो ।
दिनेश राउत निर्देशित सन् २०१४ को चलचित्र नोभेम्बर रेनको कथा, पटकथा र संवाद लेखेर उनी चलचित्र क्षेत्रमा भित्रिएका थिए । तत् पश्चात उनले सन् २०१५ को चलचित्र आभाषमा गीत लेख्नुका साथै एक गीतमा संगीत समेत दिएका छन् ।
चलचित्र क्लासिक, डायरी र ए मेरो हजुर २ लेखेका गुरूङले डमरुको डण्डिबियोको कथा लेखन तथा निर्देशन समेत गरेका थिए ।
प्रकाशित मिति: २४ भाद्र २०७७, बुधबार
