पृथ्वी राजमार्ग फेरि अवरुद्ध, यात्रुलाई सास्ती
काठमाडौं, असोज २४
ऐना पहरामा पहिरो खसेपछि पृथ्वी राजमार्ग फेरि अवरुद्ध भएको छ ।
यसरी अवरुद्ध हुँदा पश्चिम नेपालका लागि छुटेका सय भन्दा धेरै गाडी मुग्लिनमा रोकिएका ट्राफिक प्रहरीले जनाएको छ ।
तनहुँको आँबुखैरेनीमा सोमबार बिहान ३ बजेदेखि पोखरा, बाग्लुङ, पर्वत, म्याग्दी लगायतको आवातजावत ठप्प भएको र पहिरो हटाउने प्रयास भइरहेको प्रहरीले जनाएको छ ।
यसअघि गएको बुधबार पनि त्यही ठाउँमा पहिरो खस्दा दशैंका लागि घर हिँडेका यात्रुहरुले सास्ती खेप्नु परेको थियो ।
प्रकाशित मिति: २४ आश्विन २०७३, सोमबार
