एमालेका उद्योगी व्यवसायीको राष्ट्रिय महाधिवेशनको तयारी तिब्र, विभिन्न उपसमिति गठन
![](https://www.deshkonews.com/wp-content/uploads/2022/03/uml-lp.jpg)
![](https://www.deshkonews.com/wp-content/uploads/2022/03/uml-lp-768x428.jpg)
काठमाडौं, चैत १६
नेकपा एमालेको भातृ संगठन नेपाल राष्ट्रिय उद्योग व्यवसाय महासंघको दोस्रो महाधिवेशन सम्पन्न गर्नका लागि विभिन्न उपसमिति गठन गरेको छ ।
विधान संसोधन उप समिति संयोजक डिवि बस्नेतले परिवर्तित समय अनुसार विधानलाई संशोधन सहित पदाधिकारी बैठकमा पेश गरेका थिए । बस्नेतले पेश गरेको संशोधन सहितको विधालाई अन्तिमरुप दिने निर्णय बैठकले गरेको छ ।
यसैगरी महाधिवेशनमा अतिथि व्यवस्थापन तथा स्वागतका लागि महासचिव भागिरथ सापकोटाको नेतृत्वमा समिति गठन गरिएको छ । हल व्यवस्थापना उपसमितिको संयोजकमा सूर्वण श्रेष्ठ संयोजक रहेको उपसमिति गठन गरिएको छ ।
देशभरबाट महाधिवेशनमा आउने प्रतिनिधिहरुको व्यवस्थापनका लागि मोतिलाला ज्ञावलीको संयोजकत्वमा प्रतिनिधि व्यवस्थापन उपसमिति गठन गरिएको छ । सामग्री उपलब्ध तथा व्यवस्थान समितिको संयोजकमा गोविन्द घिमिरे, र खाना खाजा संयोजकमा मिनबहादुर तामाङलाई जिम्मा दिने निर्णय गरेको छ ।
महासंघले आगामी चैत्र २३ र २४ गते हुने आफ्नो दोस्रो महाधिवेशनलाई लक्षित गरेर अन्य तयारीका लागि जुट्न केन्द्रीय पदाधिकारी, प्रदेश, जिल्ला र पालिकास्तरसम्मका महासंघमा आवद्ध जिम्मेवार सदस्यहरुलाई अनुरोध गरेको छ ।
बैठकमा महासंघका अध्यक्ष एपी साँवा लिम्बुले यो एेतिहासिक महाधिवेशन नेपाली उद्योगी व्यवसायीहरुको हितका लागि प्रभावकारी हुने बताए ।
प्रकाशित मिति: १६ चैत्र २०७८, बुधबार