दीपक-दीपाको नयाँ फिल्म ‘श्री माग्ने राजा’मा मलिना र बेनिशा अनुबन्ध
काठमाडौँ, साउन ८
चुपचाप फ्लोरमा गएको दीपकराज गिरी र दीपाश्री निरौलाको निर्माण रहने फिल्म ‘श्री माग्ने राजा’ले हिरोइनको रुपमा पूर्व मिस नेपाल मलिना जोशी र अभिनेत्री बेनिशा हमाललाई अनुबन्ध गरेको छ ।
‘छक्का पञ्जा ४’ राख्ने वा ‘श्री माग्ने राजा’ राख्ने दोधारबीच निर्माण टिमले ‘श्री माग्ने राजा’को नाममा फिल्मको काम अगाडि बढाएको हो । फिल्म सम्बद्ध स्रोतका अनुसार फिल्ममा बेनिशा हमालले दीपकराज गिरीको जोडीको रुपमा अभिनय गर्नेछिन् ।
बेनिशाले लामो समयपछि अभिनय गरेको ‘प्रेमगन्ज’ प्रदर्शनको तयारीमा रहेको छ । मलिना जोशी पनि रानी पछि लगभग फिल्मविहीन थिइन् । फिल्मभित्र उनको भूमिका भने सार्वजनिक भइसकेको छैन ।
यो फिल्ममा दीपाश्री निरौला पनि कलाकारको भूमिकामा रहनेछिन् ।
