एजेन्सी, फागुन २६
जर्मनीको उत्तरी सहर ह्याम्बर्गमा रहेको एउटा चर्चमा बन्दुकधारीले आक्रमण गर्दा कम्तिमा ६ जनाको मृत्यु भएको छ ।

इसाई धर्माबलम्बीहरुको कार्यक्रम चलिरहेको ‘जेहोभाज विटनेस बैठक हल’ मा भएको गोलीकाण्डमा परी थुप्रै घाइते भएका छन् ।

प्रहरीले घटनामा कम्तिमा ६ जनाको मृत्यु भएको पुष्टी गरेको छ । मृतकहरुमा आक्रमणकारी पनि हुनसक्ने प्रहरीको अनुमान छ ।

अहिलेसम्म आक्रमणकारीको पहिचान भएको छैन भने आक्रामण्को उद्देश्य पनि खुलेको छैन । ह्यामवर्ग शहरको ग्रोस बोर्सटेल जिल्लाको डिलबोगे सडकमा घटना भएको हो ।

प्रहरीको कारबाहीका क्रममा आसपासका बासिन्दाहरूलाई घरबाहिर ननिस्कन भनिएको छ ।