कस्तो छ त दर्पणछायाँ –२ ?
काठमाण्डौ , मंसिर १
निर्देशक तुलसी घिमिरे निर्देशित फिल्म ‘दर्पणछायाँ २’ को फर्स्टलुक पोस्टर तथा टिजर रिलिज गरिएको छ ।
राजधानीमा आयोजित एक कार्यक्रमका बीच फिल्मको पोस्टर सार्वजनिक गरियो भने टिजर तथा एक गीत समेत देखाईयो ।
‘दर्पणमा छायाँ कति राम्रो..’ बोलको गीत समेत रिलिज गरिएको हो ।
१ मिनेट लामो टिजर प्रोमोलाई पुर्णतः सांगितिक बनाईएको छ भने अन्य केहि दृश्यहरु समेत समावेश गरिएको छ ।
यस्तै फर्स्टलुक पोस्टरमा हिट फिल्म ‘दर्पणछायाँ’को फ्लेभर झल्किन्छ भने पछिल्लो पुस्ता लक्षित गर्दै केहि नयाँ प्रयोग पनि गरिएको छ ।
कार्यक्रममा पुरानै कुरा दोहोर्याउँदै निर्देशक घिमिरेले फिल्मलाई दर्पणछायाँको सिक्वेलको रुपमा नबुझ्न आग्रह गरे । पुरानो नभई नयाँ पुस्तालाई मन पर्ने कथामा फिल्म बनेको भन्दै नयाँ कलाकर लिएर गरिएको काम निकै राम्रो बनेको पनि दाबी गरे ।
डा. लोपसाङ लामाको प्रस्तुति तथा सबु गडाल कार्की र रबि कार्कीको निर्माण रहेको फिल्ममा पुष्प खड्का, साहारा कार्की र श्रद्धा प्रसाईं लिड रोलमा छन् । फिल्मको संभावित प्रदर्शन मिति फागुन २७ लाई लिईएको छ ।
प्रकाशित मिति: १ मंसिर २०७३, बुधबार
