एजेन्सी । भारतीय अभिनेत वैभवी उपाध्यायको कार दुर्घटनामा निधन भएको छ । हिमाचल प्रदेशमा सोमबार अर्थात मे २२ मा भएको दुर्घटनामा उनको निधन भएको हो ।

फिल्म निर्माता तथा अभिनेता जेडी मजेठियाले वैभवीको मृत्युको खबर पुष्टि गरे । वैभवी ‘सीआईडी’ र ‘अदालत’ जस्ता धेरै शोकी हिस्सा थिइन् । यद्यपि उनी ‘साराभाई भर्सेस साराभाई’ को लागि बढी चिनिन्छिन् । उनले यस शोमा जस्मीनको भूमिका निभाएकी थिइन् ।

‘साराभाई भर्सेस साराभाई’ मा सँगै काम गरेकी अभिनेत्री रुपाली गांगुलीले पनि सामाजिक सञ्जालमा यसका लागि दुःख व्यक्त गरेकी छिन् । उनले वैभवीको तस्बिर सेयर गर्दै लेखिन्, ‘तिमीले छिटै छोडेर गयौ ।’

दुर्घटनाका बेला वैभवीका प्रेमी जय सुरेश गान्धी पनि थिए । उनलाई हल्का चोट लागेको छ । उनको बन्जार अस्पतालमा उपचार भइरहेको बताइएको छ । जानकारीका अनुसार वैभवी आफ्ना प्रेमी जय सुरेश गान्धीसँग उनको फोरचुनर गाडीमा बन्जारको तीर्थन घाटीमा घुम्न गइरहेकी थिइन् । त्यति बेला उनीहरूको गाडी अनियन्त्रित भयो र उनीहरू सडकभन्दा ५० फुट मुनी खसे ।