बैतडी, साउन २ । बैतडीको शिवनाथ गाउँपालिका ४ स्वलपला बगारका ३० वर्षीय लोकेन्द्र सिंह महता मलेसियामा मृत फेला परेका छन् ।

उनी सोमबार रातिी आफू बस्ने कोठाको बाथरुममा मृत भेटिएको आफन्तले बताएका छन् । उनको मृत्युको कारणबारे भने जानकारी प्राप्त नभएको बताइएको छ ।

महता ७ वर्ष पहिले रोजगारीको सिलसिलामा मलेसिया गएका थिए । घरमा उनको श्रीमती एक छोरा र एक छोरी रहेका छन् ।

प्रकाशित मिति: २ श्रावण २०८०, मंगलबार