काठमाडौं, मंसिर १९

राष्ट्रिय प्रजातन्त्र पार्टीले आगामी फागुनमा एकताको महाधिवेशन गर्ने भएको छ ।

राजधानीमा बसेको राप्रपा केन्द्रीय कार्यसम्पादन समितिको बैठकले आगामी फागुन ६ देखि ९ गतेसम्म काठमाडौंमा एकताको महाधिवेशन गर्ने निर्णय गरेको हो ।

बैठकले स्थानीय तहमा पार्टी एकीकरण गर्न बुद्धिमान तामाङको नेतृत्वमा बनेको समितिले ल्याएको प्रतिवेदनलाई अनुमोदन गरेको हो ।

योसँगै स्थानीय तहमा एकीकृत अधिवेशनहरु गर्न बाटो खुलेको छ ।

व्यवस्थापिका–संसदमा दर्ता भएको संविधान संशोधन विधेयकमाथि भने थप छलफल आवश्यक भएको भन्दै राप्रपाले अझै ठोस धारणा तय गर्न सकेको छैन ।