व्यवस्थापिका संसद बैठक बस्दै
काठमाडौं, मंसिर १९
व्यवस्थापिका संसद बैठक आज बस्दै छ । बैठक नया बानेश्वर स्थित संसद भवनमा दिउसो १ बजे पछि बस्ने छ ।
आजको बैठकमा अख्तियारका निलम्बित प्रमुख लोकमानसिंह कार्की बिरुद्ध दर्ता भएको महाअभियोग प्रस्तावमाथि थप छलफल गर्ने कार्यसुचि रहेको संसद सचिवालयका सह प्रवक्ता सुर्दशन कुइकेलले जानकारी दिए ।
सरकारले संसद सचिवालयमा दर्ता गराएको संविधान संशोधनको विरोधमा प्रमुख प्रतिपक्षी दल नेकपा एमालेले पछिल्ला दुइ संसद बैठक अवरुद्ध गरेका कारण छलफलको कार्यसूचि प्रभावित बन्दै आएको छ ।
एमालले सो संशोधन विधेयक सरकारले फिर्ता नदिए सम्म बैठक चल्ल नदिने बताएको छ ।
कार्की विरुद्धको महाअभियोग प्रस्ताव माथिको छलफल अन्तिम चरणमा पुगे पनि एमालेको अवरोधका कारण संसदले सिफारिस समितिमा पठाउन सकेको छैन ।
सो प्रस्ताव माथि अव नाम टिपाएका मध्य १० जना सांसदले मात्र बोल्न बाँकी रहेको छ ।
प्रकाशित मिति: १९ मंसिर २०७३, आइतबार
