किन स्थगित भयो संसद बैठक ?
काठमाडौं, मंसिर १९
संसद बैठक मंसिर २२ गतेसम्मका लागि स्थगित भएको छ ।
आइतबार विपक्षी दलका सांसद आफ्नो सीटमा बस्न नमानेपछि सभामुख ओनसरी घर्तीले आगामी बुधबारसम्मका लागि बैठक स्थगित गरेकी हुन् ।
संविधान संशोधन विधेयकविरुद्ध एमाले लगायतका विपक्षी दलले अवरोध गरेपछि बैठक स्थगित गरिएको हो ।
नेपाल मजदुर किसान पार्टीकी सांसद अनुराधा थापा मगरले बोलेलगत्तै विपक्षी दलका सांसदहरु आफ्नो सिटबाट उठेका थिए ।
संसदको अर्को बैठक २२ गते दिउँसो १ बजे बस्नेछ । आजको बैठकमा अख्तियारका निलम्बित प्रमुख लोकमानसिंह कार्कीको महाअभियोगको प्रस्तावमाथिको छलफल अघि बढाउन कार्यसूची थियो ।
प्रकाशित मिति: १९ मंसिर २०७३, आइतबार
