काठमाडाैं, मंसिर १९

व्यबस्थापिका संसदको आजको बैठक पनि प्रमुख प्रतिपक्ष दलसहित साना दलहरुले अवरोध गरेका छन् । सरकारले संसदमा दर्ता गराएको संविधान संशोधन प्रस्तावविरुद्ध ती दलहरुले संसद बैठक आइतबार तेस्रो दिन पनि अवरोध गरेका हुन ।

आजको बैठक सुरु हुनासाथ एमाले, जनमोर्चा, नेकपा माले र नेमकिपाका सांसदहरु आफ्नो स्थानमा उभिँएर प्रस्तवाको विरोध गरेका थिए ।

बैठकमा नेमकिपाका सांसद अनुराधा थापा मगरले संशोधन प्रस्ताव भारतको ईशारामा सरकारले ल्याएको बताइन् ।

उनले, संविधान संशोधन नेपाली जनताको चाहना नभएको र प्रस्तावको पक्षमा दुई तिहाई पुर्याउन भारतले नै दुई राप्रपाको एकीकरण गराएको तथा एमाले पार्टी फुटाउन खोजिरहेको आरोप पनि लगाइन् ।