२०७३ मंसिर ३०

काठमाडौं । नेपाल विद्यार्थी संघका केन्द्रीय सदस्यहरुले सदस्यभन्दा बाहिरको व्यक्तिलाई प्रेस संयोजक र वैदेशिक मामिला सल्लाहकारमा नियुक्ति गरेकोमा अध्यक्षसामू आपत्ति जनाएका छन् ।

संघका अध्यक्ष नैनसिंह महरलाई बिहीबार भेटेर  सदस्यहरुले नेतृत्व मनोमानी ढंगलले अगाडि नबढ्न चेतावनीसमेत भेटमा सहभागी एक केन्द्रीय सदस्यले जानकारी दिए। उनीहरुले संघको नियमावलीमा पदाधिकारी र सदस्यहरुको काम, कर्तब्य र अधिकारबारे स्पष्ट उल्लेख हुनुपर्ने तथा विभाग गठन गर्दा सम्बन्धित क्षेत्रको ज्ञान भएका सदस्यहरुलाई राख्नु पर्ने बताए ।

साथै उनीहरुले नियमावली सुझाव समितिमा समेत केन्द्रीय समितिको प्रतिनिधित्व हुनुपर्ने धारणा राखेको भेटमा सहभागी एक सदस्यले बताए । उनीहरुले केन्द्रीय समितीबाट हरेक निर्णयहरु पारित गर्नु पर्ने लगायतका माग अध्यक्ष सामू राखेका थिए।

भेटमा केन्द्रीय सदस्यहरु शैलेन्द्र गौडेल, सुशील भट्ट, प्रेम शाही, लक्ष्मण पन्थीलगायत २५ जना सहभागी थिए।