काठमाडौं, पुस २३
सरकारले ट्याक्सी चालकको मनोमानी रोक्न बिलिङ मिटर जडानकार्य सुरु गरेको एक महिनामा ७२ वटा ट्याक्सीमा मात्रै बिलिङसहितको प्रिन्टर मिटर जडान भएको छ ।
सरकारले गत मंसीर २३ गतेदेखि प्रिन्टर जडानको कार्य थालेको हो ।

गुणस्तर तथा नापतौल विभागले मंसीर २३ गतेबाट यो नियम लागू गरेपनि तीन सातापछि पुस १७ गतेबाट भने आलोपालो प्रणाली लागू गरेको थियो । आलोपालो प्रणालीमा तालिका बनाई ६ महिनामा बागमती अञ्चलमा दर्ता भएका सबै ट्याक्सीमा बिलिङ मिटर जडान गरिसक्ने योजना विभागको छ ।

साउन ७ गतेभित्र राजधानीमा सबै ट्याक्सीमा बिलिङ मिटर जडान भइसक्नुपर्ने मा एक महिनामा ७२ ट्याक्सीमा मात्रै मिटर जडान गरिएको छ । आजको अन्नपूर्ण पोष्ट दैनिकमा समाचार छ ।