भारतीय पूर्वप्रधानमन्त्री सिंहको निधनप्रति प्रधानमन्त्री ओलीद्वारा शोक व्यक्त
काठमाडौं। प्रधानमन्त्री केपी शर्मा ओलीले भारतीय पूर्वप्रधानमन्त्री डा.मनमोहन सिंहको निधनमा शोक व्यक्त गरेका छन्।
सामाजिक सञ्जाल फेसबुकमार्फत प्रधानमन्त्री ओलीले भारतीय पूर्वप्रधानमन्त्री सिंहको निधनमा शोक व्यक्त गरेका हुन्।
नेपाल र भारतको आपसी हितका विषयमा सिंहसँग भएका संवादहरू सम्झिरहेको उनले बताए ।
प्रधानमन्त्री ओलीले लेखेका छन्,‘मित्रराष्ट्र भारतका पूर्वप्रधानमन्त्री, प्रतिष्ठित अर्थशास्त्री, मेरा मित्र डा।मनमोहन सिंहको ९२ वर्षको उमेरमा निधन भएको छ। नेपाल र भारतको आपसी हितका विषयमा उहाँसँग भएका संवादहरू सम्झिरहेको छु। दिवङ्गत मनमोहन सिंहप्रति हार्दिक श्रद्धाञ्जली अर्पण गर्दछु।’
सिंहको बिहीबार राति निधन भएको थियो ।
प्रकाशित मिति: १२ पुस २०८१, शुक्रबार
