भोजपुर, फागुन ११

पाँच वर्ष भित्रमा भोजपुर जिल्लालाई बालमैत्री जिल्ला घोषणा गर्न लागिएको छ ।बालमैत्री स्थानिय शासन अन्र्तगत सुचकहरुको अवश्था विश्लेषण लगानी योजनाको लागी कृयाकलापको पहिचान र आगामी कार्ययोजना बनाई भोजपुर जिल्लालाई बालमैत्री जिल्ला घोषणा गर्न लागिएको हो ।

जिल्ला विकास समिती भोजपुरले विभिन्न सरोकारवाला निकायसँग समन्वय गरी बाल अधिकारका २९ वटा सुचकहरुको स्थानीयकरण र थप सुचकको अपेक्षीकरण गरिरहेको छ ।

आर्थिक वर्ष २०७१÷७२ देखी जिल्लामा बालमैत्री स्थानिय शासन कार्यन्वयन गर्ने जिल्ला परिषद्को निर्णय अनुसार काम अगाडी बढाइएको जिल्ला विकास समिती भोजपुरका सुचना अधिकारी धनकुमार राईले जानकारी दिनुभयो ।

समयमै बालमैत्री जिल्ला घोषणका लागी स्थानिय बालक्लबको सक्रियतामा रणनितिक कार्ययोजना समेत अघि बढाएको जिल्ला बाल क्लब सञ्जाल भोजपुरका अध्यक्ष लक्ष्मण चौहानले बताउनुभयो ।