१२ वर्षका बालकले गरे घाँटी रेटेर तीन वर्षीया बालिकाको हत्या
जाजरकोट । जाजरकोटको बारेकोटमा १२ वर्षीय बालकले तीन वर्षीया बालिकाको हत्या गरेका छन् ।
जिल्ला प्रहरी कार्यालय जाजरकोटका अनुसार बारेकोट गाँउपालिकाकी तीन वर्षीया बालिकाको घाँटी रेटेर हत्या गरिएको हो ।
बारेकोट गाँउपालिका-६ टाँसीका १२ वर्षीय बालकले ती बालिकाको हत्या गरेको प्रहरीले जनाएको छ । बिहीवार साँझ खेल्ने क्रममा ती बालिकाको हत्या भएको थियो ।
आफन्तले राती १० बजे मात्र घटनाबारे जानकारी पाएका थिए । बालकलाई शुक्रवार नै प्रहरीले नियन्त्रणमा लिएर अनुसन्धान सुरु गरिसकेको जाजरकोट प्रहरीले जनाएको छ ।
प्रकाशित मिति: ११ माघ २०८१, शुक्रबार
