दुर्घटनामा २३ जना घाइते



दाङ , फागुन १९

राप्ती राजमार्ग अन्तर्गत दाङको फूलबारीस्थित बखरीया मोडमा बिहीबार बस र ट्रक एकआसपमा ठोक्किँदा २१ जना घाइते भएका छन् । तुलसीपुरबाट नेपालगञ्जतर्फ जाँदै गरेको रा १ ख ९४१ नम्बरको बस र नेपालगञ्जबाट तुलसीपुरतर्फ आउँदै गरेको से १ ख १२८७ नम्बरको ट्रक ठोक्किएको हो । यसक्रममा घाइते भएकामध्ये १८ जनाको राप्ती अञ्चल अस्पताल तुलसीपुरमा उपचार भइरहेको छ।

गम्भीर घाइते भएका ५ जनालाई उपचारका लागि कोहलपुर रिफर गरिएको प्रहरीले जनाएको छ। गम्भीर घाइते हुनेहरुमा रा १ ख ९४१ नम्बरको बसका कण्डक्टर तुलसीपुर १९ कै ३८ वर्षीय गोविन्द शर्मा, मानपुर २ निवासी ७७ वर्षीय केशरबहादुर खड्का, पञ्चकुले ४ निवासी ७४ को भीमबहादुर बुढाथोकी, पञ्चकुले ४ कै ६५ वर्षीया कलावती बुढाथोकी छन्। बसका चालक तुलसीपुर १९ उरहरीका ३४ वर्षीय विरन चौधरीको अवस्था गम्भीर रहे पनि उनको भने अञ्चल अस्पतालमै उपचार भइरहेको छ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News