दाङ, फागुन २०

मोटरसाइकल दुर्घटनामा बिहीबार साँझ तुलसीपुर निवासी एक युवाको मृत्यु भएको छ भने अर्का एक युवा घाइते छन्। सल्यानबाट तुलसीपुरतर्फ आउँदै गरेको रा २ प ५२६२ नम्वरको मोटरसाइकल तुलसीपुर १ हर्नेटी भन्ने स्थानमा दुर्घटना हुँदा तुलसीपुर ९ बेलुवा निवासी २२ वर्षीय मनोज अधिकारीको मृत्यु भएको प्रहरीले जनाएको छ।

उनको घटनास्थलमै मृत्यु भएको प्रहरीले जानकारी दिएको छ। मोटरसाइकल सडकदेखि ६ सय मिटर तल खसेको थियो। दुर्घटनामा मोटरसाइकलको पछाडि सवार तुल्सीपुर ५ प्रगतीशिल टोल निवासी १८ वर्षीय सन्तोष बुढामगर घाइते भएका छन्। उनको अवस्था सामान्य रहेको घटनास्थलबाट प्रहरी सहायक निरीक्षक सिताराम चौधरीले जानारी दिए।