तीनकुने घटनाबारे छलफल गर्न राज्यव्यवस्था समितिले गृहमन्त्रीलाई बोलायो
काठमाडौं । प्रतिनिधिसभाको राज्यव्यवस्था तथा सुशासन समितिले गृहमन्त्री रमेश लेखकलाई बोलाएको छ।
तीनकुने घटनाको विषयमा स्पष्ट पार्नका लागि समितिले २२ चैत बिहान ११ बजेको बैठकमा बोलाएको हो ।
आज बसेको बैठकमा सांसदहरूले गृहमन्त्री बोलाउन माग गरेका थिए । सभापति रामहरि खतिवडाले आगामी बैठकमा तीनकुने घटनाबारे छलफल गर्न गृहमन्त्री बोलाइएको बताए ।
चैत १५ गते भएको तीनकुनेमा भएको हिंसात्मक प्रदर्शनमा दुई जनाको मृत्यु भएको थियो भने प्रदर्शनकारीले तोडफोड र आगजनी समेत गरेका थिए ।
प्रकाशित मिति: १९ चैत्र २०८१, बुधबार
