राजावादी आन्दोलनमा ट्राफिक लाइट फुटाउने र घरमा आगो लगाउने तामाङ पक्राउ
काठमाडौं । राजावादी समूहले १५ चैतमा गरेको हिंसात्मक प्रदर्शनका बेला तीनकुनेमा ट्राफिक लाइट तोडफोड गरेको आरोपमा प्रहरीले एक जनालाई पक्राउ गरेको छ ।
उपत्यका अपराध अनुसन्धान कार्यालयका अनुसार पक्राउ पर्नेमा कुमार तामाङ छन् । तामाङलाई भक्तपुरबाट पक्राउ गरिएको प्रहरीले जनाएको छ ।
तामाङले जडिबुटीमा रहेको एक घरमा समेत आगजनी गरेको प्रहरीको भनाइ छ ।
यो घटनामा उपत्यका अपराध अनुसन्धान कार्यालयले मात्र २७ जनालाई पक्राउ गरेको छ । उनीहरुविरुद्ध जिल्ला प्रहरी परिसर, काठमाडौंले विस्तृत अनुसन्धान गरिरहेको छ ।
प्रकाशित मिति: २४ चैत्र २०८१, सोमबार
