मकवानपुरबाट ५२ किलो गाँजासहित एकजना पक्राउ
मकवानपुर । मकवानपुरमा ५२ किलो लागुऔषधसहित एकजना पक्राउ परेका छन् ।
मनहरी गाउँपालिका–६ सुनाचुरीका ५० वर्षिय बाबुराम मुक्तानलाई प्रहरीले गाँजाको भारीसहित नियन्त्रणमा लिएको हो ।
बुधबार राति करिब ९ः३० बजेको समयमा लागुऔषध गाँजाको भारी बोकी रुपाचुरीबाट नयाँबस्तीतर्फ आइरहेको भन्ने विशेष सूचनाका आधारमा इलाका प्रहरी कार्यालय मनहरीबाट खटिएको टोलीले उनलाई नियन्त्रणमा लिएको बताइएको छ ।
मुक्तानलाई लागुऔषध सम्बन्धी कसुरमा मकवानपुर जिल्ला अदालतबाट सात दिनको म्याद अनुमति लिई थप अनुसन्धान थालेको छ ।
प्रकाशित मिति: ४ बैशाख २०८२, बिहिबार
