रूपन्देहीको दानव नदीमा बेपत्ता दुई बालकको शव फेला
काठमाडौं । रूपन्देहीको दानव नदीमा बेपत्ता दुई बालकको शव फेला परेको छ ।
सोमबार रुपन्देहीको लुम्बिनी साँस्कृतिक नगरपालिका–२ अर्दौलीस्थित दानव नदीमा पौडी खेल्ने क्रममा बेपत्ता भएका तीन जनामध्ये दुई बालकको शव सशस्त्र प्रहरीले मङ्गलबार बिहान निकालेको हो ।
सोही ठाउँ बस्ने वर्ष १३ को उमेश यादव र वर्ष १२ को मुनु हरीजनको शव फेला परेको हो ।
उनीहरुको खोजिका लागि राति नै सशस्त्र प्रहरी बल नेपालको गोताखोर परिचालन गरिएको थियो ।
गोताखोर सहितको टोलीले मङ्गलबार बिहान बेपत्ता भएकै स्थानबाट दुई बालकको शव फेला पारेको हो ।
बेपत्तामध्ये १४ वर्षका राज यादवको शव भने सोमबार साँझ फेला परेको थियो ।
प्रकाशित मिति: ९ बैशाख २०८२, मंगलबार
