बालाजुमा साझा बसमा आगजनी

काठमाडौँ, फागुन २८

नेपाल कम्युनिष्ट पार्टीका कार्यकर्ताले आज बालाजु बाइपासमा साझा यातायातको बस जलाइदिएका छन् । बा ४ ख ५६४८ नं को बसका चालक, परिचालक र सुरक्षामा खटिएका प्रहरी खाना खान गएको मौका छोपी बालाजु बाइपासमा रोकि राखिएको बसबाट यात्रु ओराली पेट्रोल छर्केर आगो लगाइएको साझाका निमित्त प्रमुख कार्यकारी अधिकृत महेन्द्रराज पाण्डेले राससलाई जानकारी दिनुभयो ।

आगलागीबाट बसका आठवटा सीट पूर्णरुपमा जलेर रु एक लााख बराबरको क्षति भएको छ । यातायातले कसैको समर्थन वा विरोधमा सेवा सञ्चालन नगरेको उल्लेख गर्नुहुँदै उहाँले यस्ता गतिविधि नदोहो¥याउन सबैसँग अनुरोध गर्नुभयो ।

साझाका ४० वटा सवारीसाधन अन्य दिनजस्तै आज पनि उपत्यकाका रुटमा चलिरहेका छन् । रासस