५ सय ४४ नेपाली साउदीको जेलमा, अधिकांशमा रक्सी सेवन र बिक्री वितरणको अभियोग

काठमाडौं । वैदेशिक रोजगारीका लागि साउदी अरेबिया पुगेका अधिकांश नेपाली रक्सी सेवन र बिक्री वितरणको अभियोगमा जेल परेका छन् ।

साउदीको कानुनविपरीत गतिविधि र साथीभाइको प्रलोभनमा पर्दा ५ सय ४४ जना नेपाली जेलमा छन् ।

साउदीमा हालसम्म मदिरा सेवन र बिक्री वितरण कार्य गैरकानुनी एवं दण्डनीय रुपमा हेरिन्छ।

साउदीस्थित नेपाली दूतावास अनुसार ३ सय ४५ जना मदिरा उत्पादन, सेवन र ओसारपसारको अभियोगमा , ८४ जना लागु‍औषध ओसारपसार , ५३ जना चोरी मुद्दामा,बेश्यावृतीमा १२ जना , तोडफोडमा १६ जना, घुसखोरीमा १५ जना ,हत्यामा ४ जना, नियम उल्लङ्घनमा ७ जना, अन्य गतिविधिमा संलग्न रहेको आरोपमा १६ जना जना जेल परेका छन् ।

जसमध्ये ३ सय ४१ जनालाई आधिकारिक रुपमा फैसला सुनाएर जेल चलान गरिएको छ भने २ सय ३ जनाको फैसला आउन बाँकी रहेको छ ।