गुडिरहेको विद्युतीय स्कुटरमा आगो दन्किएपछि…
काठमाडौं । काठमाडौंको रत्नपार्कमा गुड्दै गरेको एक विद्युतीय स्कुटरमा अचानक आगो लागेको छ।
घटनाका कारण केही समय सवारी आवागमन प्रभावित भएको ट्राफिक प्रहरीले जनाएको छ।
प्योर ईभी कम्पनीको ‘ई–प्लुटो ७ जी’ मोडेलको स्कुटरमा बुधबार बिहान करिब पौने १० बजे नेपाल विद्युत् प्राधिकरणको कार्यालय अगाडि पुग्दापुग्दै आगलागी भएको हो।
बागमती प्रदेश–०२–०१९ प ६२४६ नम्बरको स्कुटरमा लागेको आगोका कारण गाडी पूर्णरूपमा क्षतिग्रस्त भएको ट्राफिक प्रहरीले जनाएको छ ।
नेपालमा उक्त स्कुटर ह्वाइट लोटस प्रालिले बिक्री गर्दै आएको छ।
प्रकाशित मिति: ११ असार २०८२, बुधबार
