शौचालय जाँदा जंगली हात्तीको आक्रमणबाट एक जनाको मृत्यु
झापा । झापामा शौचालय निस्किएका एक व्यक्तिको जंगली हात्तीको आक्रमणबाट मृत्यु भएको छ ।
बिर्तामोड नगरपालिका-७ फक्तालुङ्ग निवासी ५९ वर्षीय लोकप्रसाद लिम्बूको आज बिहान शौचालय जाने क्रममा जंगली हात्तीसँग जम्काभेट हुँदा आक्रमण परी मृत्यु भएको हो ।
प्रहरीले कानुनी प्रक्रिया शवलाई पोस्टमार्टमका लागि प्रादेशिक अस्पताल भद्रपुर पठाएको छ।
यसअघि गत असार ६ गते जंगली हात्तीको आक्रमणबाट मेचीनगरका पूर्णबहादुर श्रेष्ठको मृत्यु भएको थियो ।
प्रकाशित मिति: १९ असार २०८२, बिहिबार
