बैंकिङ कसुरमा गुन्डा नाइके राजु गोर्खाली पक्राउ

काठमाडौं । गुन्डा नाइके राजु गोर्खाली (राजेन्द्रबहादुर गोर्खाली) पक्राउ परेका छन् । जिल्ला प्रहरी परिसर काठमाडौंको विशेष टोलीले उनलाई चन्द्रागिरीबाट पक्राउ गरेको हो ।

बैंकिङ कसुरको आरोपमा उनलाई पक्राउ गरिएको प्रहरीले जनाएको छ ।

यसअघि २०७९ सालको प्रतिनिधिसभा चुनावमा सिन्धुपाल्चोक क्षेत्र नम्बर २ मा नेपाली कांग्रेसबाट गोर्खाली उम्मेदवार सिफारिसमा समेत परेका थिए । तर, टिकट नपाएपछि उनको सांसद बन्ने योजना चकनाचुर बनेको थियो ।

१० करोड भन्दा बढीको लेनदेनमा उनी पक्राउ परेको प्रहरी स्रोतले जनाएको छ ।