बानेश्वरबाट लुटिएको एसएलआर भक्तपुरमा भेटियो
काठमाडौं । जेनजी प्रदर्शनको क्रममा बानेश्वरबाट लुटिएको एक एसएलआर भक्तपुरमा भेटिएको छ ।
भक्तपुरको चाँगुनारायण नगरपालिका–९ ब्रम्हायणीमा बेवारिसे अवस्थामा फेला परेको हो । कपडाले बेरेर राखेको अवस्थामा भेटिएको उक्त हतियार स्थानीयले फेला पारेपछि प्रहरीलाई बुझाएका छन् ।
नम्बर–२० गण २९० लेखिएको सो एसएलआर सशस्त्र प्रहरीको मिनभवन स्थित बेसबाट लुटिएको सशस्त्रका एक अधिकृतले बताए ।
स्थानीयले फेला पारेर एसएलआर यकिन गरेर सम्बन्धित निकायमा बुझाउने जिल्ला प्रहरी परिसर भक्तपुर जनाएको छ ।
प्रकाशित मिति: ३ आश्विन २०८२, शुक्रबार
