भैरहवाबाट एक सय ५७ जनाको हवाई उद्दार
भैरहवा , २० असोज । अविरल वर्षाका कारण भैरहवामा अलपत्र यात्रुहरूको हवाई उद्दार उडान गरिएको छ ।
नेपाल वायुसेवा निगमको ए ३२० विमान ७६ जना यात्रुसहित दिउँसो ३:४३ बजे भैरहवा अवतरण भएको थियो ।
भैरहवाबाट भने विमानले ५:४० बजे एक सय ५७ जना यात्रु बोकेर काठमाडौँ फर्किएको गौतमबुद्ध अन्तरराष्ट्रिय विमानस्थलका सूचना अधिकारी विनोदसिंह राउतले जानकारी दिनुभयो ।
उद्दार उडानमा अशक्त, वृद्धवृद्धा, बिरामी तथा अत्यावश्यक यात्रुलाई प्राथमिकता दिइएको उहाँले बताउनुभयो ।
प्रकाशित मिति: २० आश्विन २०८२, सोमबार
