राष्ट्रिय सभामा प्रतिनिधित्व गर्ने राजनीतिक दलहरुसँग राष्ट्रिय सभा अध्यक्ष छलफलमा
काठमाडौं । राष्ट्रिय सभा अध्यक्ष नारायणप्रसाद दाहालले राष्ट्रिय सभामा प्रतिनिधित्व गर्ने राजनीतिक दलका नेताहरुसँग छलफल गरेका छन् ।
शुक्रबार बिहान सिंहदरबारस्थित संघीय संसद सचिवालयमा बैठक बसेको हो ।
छलफलका विषयमा राष्ट्रियसभाले सम्पादन गर्नुपर्ने प्रमुख कार्यहरू अधिवेशनगत समीक्षा र राष्ट्रियसभाको दुईवर्षे पुस्तक प्रकाशन तथा
समितिका कामकारबाही, विधेयकको वर्तमान अवस्था र विविध छन्।
अध्यक्ष दाहालले राष्ट्रिय सभाका समितिहरूको बैठक निरन्तर सञ्चालनमा ल्याउने तयारी अघि बढाइरहेका छन् ।
बैठकमा कानुन, न्याय तथा संसदीय मामिलामन्त्री अनिलकुमार सिन्हा, नेकपा (माओवादी केन्द्र) का वरिष्ठ उपाध्यक्ष नारायणकाजी श्रेष्ठ, नेपाली कांग्रेसका आनन्दप्रसाद ढुंगाना, नेकपा (एमाले)का गोपालप्रसाद भट्टराईलगायत नेता सहभागि छन् ।
गत भदौ २३ र २४ गते जेनजी पुस्ताको आन्दोलनका क्रममा नयाँ बानेश्वरस्थित संसद् भवनमा आगजनी र तोडफोड भएपछि संघीय संसदको अधिवेशन अन्त्य भएको थियो ।
त्यसयता संसद् बैठक बस्न स्थान अभाव भएपछि सिंहदरबारस्थित कृषि तथा पशुपन्छी विकास मन्त्रालयको हल प्रयोग गर्ने तयारी संसद् सचिवालयले गरेको छ ।
प्रकाशित मिति: २१ कार्तिक २०८२, शुक्रबार
