एमालेको ११ औँ महाधिवेशन भृकुटीमण्डपमा
काठमाडौं । नेकपा एमालेको ११ औँ महाधिवेशन काठमाडौंको प्रदर्शनीमार्गस्थित भृकुटीमण्डपमा हुने निश्चित भएको छ।
महाधिवेशन मंसिर २७ देखि २९ गतेसम्म चल्नेछ।
पार्टीका प्रचार विभाग प्रमुख राजेन्द्र गौतमका अनुसार भृकुटीमण्डपमा महाधिवेशन उद्घाटन र बन्द सत्र हुनेछ।
एमाले महाधिवेशनमा करिब २५ सय जना सहभागी रहनेछन्।
अध्यक्ष पदमा अहिलेका अध्यक्ष केपी शर्मा ओली फेरि उम्मेदवार हुने र वरिष्ठ उपाध्यक्ष ईश्वर पोखरेल पनि अध्यक्षमा उम्मेदवार हुने तयारीमा रहेका छन्।
यसअघि पोखरामा गर्ने तय भएको महाधिवेशन पछि काठमाडौंमा गर्ने निर्णय गरिएको थियो ।
प्रकाशित मिति: ३० कार्तिक २०८२, आइतबार
