मधेश प्रदेशसभा बैठक १० मिनेटका लागि स्थगित, एमालेबाट एक सांसद उपस्थित

काठमाडौं। मधेश प्रदेश सभा बैठक सुरु हुनासाथ स्थगित भएको छ ।

बैठक सुरु हुनासाथ नेकपा एमालेबाट उपस्थित एक मात्र सांसद सारदा देवी थापाले सरकारको उपस्थित नरहेको बैठक कसरी सञ्चालन हुने नियमापत्ति राखेकी थिइन् ।

त्यसपछि सभामुख बबिता राउत इशरले सरकारलाई उपस्थित हुन निर्देशन दिँदै बैठक १० मिनेटका लागि स्थगित गरेकी हुन् ।

आजको मधेस प्रदेश सभा बैठकमा सभामुख रामचन्द्र मण्डलमाथि लगाइएको महाभियोगमा छलफल हुने कार्यसूची राखिएको थियो ।

सभामुखमाथिको महाअभियोग माथि छलफल हुने बैठकमा जनस्वराज रोजेका जनमतका सांसद पूर्व मुख्यमन्त्री सतिश सिंह, त्रिभुवन साह र माओवादीबाट विद्रोह गरेकी सांसद माला कर्ण समेत सहभागी छन् ।