नेकपा एमाले प्रतिनिधि सभा निर्वाचनका लागि दल दर्ता गर्न आयोग जाँदै

काठमाडौं । नेकपा एमाले प्रतिनिधि सभा निर्वाचनका लागि दल दर्ता गर्न निर्वाचन आयोग जाने भएको छ।

एमालेले आज दल दर्ताको निवेदन दिन लागेको निर्वाचन विभागका प्रमुख निरज आचार्यले जानकारी दिएका हुन् ।

एमालेले राष्ट्रिय सभा निर्वाचनका लागि यसअघि नै दल दर्ता गरिसकेको छ।

एमालेले राष्ट्रिय सभा निर्वाचनका लागि दल दर्ता गरे पनि प्रतिनिधि सभा निर्वाचनका लागि दल दर्ताको निवेदन दिएको थिएन ।

प्रतिनिधि सभाका लागि दल दर्ता गर्ने अन्तिम समय बुधबारसम्म छ।

निर्वाचन प्रयोजनका लागि आयोगमा नयाँ र पुराना गरी सोमबारसम्म ६४ दल दर्ता भइसकेका छन् ।