इलाम क्षेत्र नं-१ बाट कांग्रेसले गर्यो प्रत्यक्षतर्फ ९ जनाको नाम सिफारिस
काठमाडौं । इलाम क्षेत्र नं १ बाट प्रतिनिधि सभाको प्रत्यक्षतर्फ नेपाली कांग्रेसबाट ९ जनाको नाम सिफारिस भएको छ ।
नाम सिफारिस हुनेहरुमा युवा नेता प्रदेश सभा क्षेत्रीय सभापति निस्कल राई, पूर्व राज्यमन्त्री केशव थापा, पूर्व संविधानसभा सदस्य टिकाराम सुब्बा, जिल्ला सभापति डम्बरबहादुर खड्का, पूर्व राज्यमन्त्री वेनुप राज प्रसाईरहेका छन् ।
यस्तै पूर्व प्रतिनिधि सभा उम्मेदवार भुपेन्द्र कट्टेल, महाधिवेशन प्रतिनिधि हरिप्रसाद लुइँटेल, पूर्व प्रतिनिधि सभा उम्मेदवार भेषराज आचार्य र क्षेत्रीय प्रतिनिधि नगेन्द्र बुढाथोकी रहेका छन् ।
फागुन २१ को निर्वाचनका लागि मंगलबार बसेको क्षेत्रीय कार्यसमितिको बैठकले सर्वसम्मत रुपमा ९ जनाको नाम सिफारिस गरेको हो ।
प्रकाशित मिति: २४ मंसिर २०८२, बुधबार
